Алматыда қараусыз қалған нысандардың орнында қала тұрғындарына ыңғайлы болу үшін көпдеңгейлі паркингтер пайда болады.
Бұл туралы Алматы әкімі Ерболат Досаевтың Медеу ауданы тұрғындарымен өткен кездесуінде белгілі болды, деп хабарлайды Almaty-akshamy.kz.
Кездесуге қатысқан аудан тұрғындары әкімге өздерін толғандырған сұрақтарын қойды.
Медеу ауданы тұрғынының сұрағы: мен Самал-2 шағын ауданында тұрамын. Снегин көшесінде 15 жылдан астам уақыт бойы көп деңгейлі паркинг қараусыз қалды. Оны әр түрлі асоциалды элементтер, қаңғыбас иттер паналауда. Бұл тұрғындарға үлкен қолайсыздық тудырады. Үлкен өтініш, оны бұзыңыздар немесе басқа мәселені қарастырыңыздар.
«Біз бұл мәселені шешу жолдарын қарастырудамыз. Естеріңізде болса, мен қалада көп деңгейлі паркингтерді дамыту бойынша тапсырма берген болатынмын. Мәселе объектіні сатып алу ме оның бағасына қатысты болуда. Ағымдағы жылы бізде қаржылық мүмкіндіктер болмайды, бірақ 2024 жылға арналған бюджетті қалыптастыру кезінде мен тұрғындарға ыңғайлы болу үшін оларды көпдеңгейлі паркингтерге айналдыру үшін сатып алуға немесе құрылысты аяқтауға болатын барлық орындарды қарауға тиісті тапсырма бердім. Самал бойынша тапсырма беремін: бұл жоба қаншаға бағаланатынын көрейік. Сол жерде ыңғайлық әрі дұрыс паркинг жасау қарастырылады. Сіз дұрыс байқағансыз, ескі көпдеңгейлі паркинг бұрыннан тұр. Біз оны жасай аламыз ба әлде бұзу керек пе. Қарастырамыз», - деп жауап берді Алматы әкімі Ерболат Досаев.