Сервисті жақсарту маңызды басымдықтардың бірі болады.
Алматыны дамыту бағдарламасын іске асыруда 2030 жылға қарай қаланың мәдени инфрақұрылымын толық жаңарту, сондай-ақ қаланың барлық аудандарында теңдестірілген мәдениетті дамыту қарастырылған, деп хабарлады Almaty-akshamy.kz.
"Алматы қаласын дамытудың 2025 жылға дейінгі бағдарламасы және 2030 жылға дейінгі орта мерзімді перспективалар" құжатына сәйкес, қолданыстағы мәдени инфрақұрылымды жаңарту бірнеше кезеңде жүргізіледі: 2025 жылға дейін – 60%-ға, 2030 жылға дейін-95-100%-ға.
Бұдан басқа, қалада Almaty Museum of Arts заманауи өнер мұражайы, 11 мың орындық мультифункционалды концерт-холл, "Боралдай сақ қорғандары" археологиялық паркі базасындағы сақ мәдениеті орталығы және т.б. сияқты халықаралық деңгейдегі жаңа зәкірлік объектілер пайда болады.
Заманауи инфрақұрылымның пайда болуы қалаға халықаралық іс-шаралар саны мен аудиторияны қамту бойынша Орталық Азияда көшбасшы болуға мүмкіндік береді. The Spirit of Tengri, "Алмаfest", "Ұлы дала", Film Festival сияқты тұрақты ивенттердің саны 20-ға жетеді деп жоспарлануда.
Сервисті жақсарту маңызды басымдықтардың бірі болады. Барлық қалалық мәдени институттар ерекше қажеттіліктері бар адамдар үшін бейімделеді, қызмет көрсетуді цифрландыру және автоматтандыру жүргізілетін болады. Іс-шараға билет сатып алу жеңілдейді, ал пайдаланушыларда бірыңғай мәдени сити-пас жүйесін енгізу арқасында бонустар пайда болады.
Бағдарламаға сәйкес, қалада халықпен өзара іс-қимылдың жаңа моделін қалыптастыру және қала тұрғындарының өзекті қажеттіліктері туралы ақпарат жинау үшін коммуникация арналарын жолға қою жоспарлануда. Мұндай шаралар қалалық мәдени бағдарламаны әртараптандыру, оны халықтың барлық топтары үшін қолжетімді және тартымды ету үшін қабылданады. Шағын гранттар бағдарламасы есебінен мәдени бастамаларды ынталандырудың нақты тетіктері пайда болады. Қала тұрғындары ұсыныстар беріп қана қоймай, қаланың мәдени өмірін қалыптастыруға да қатыса алады.
Бағдарлама қала аудандары бойынша мәдени кеңістікті теңгерімді бөлуді қарастырады. Ауқымды, жалпықалалық сипаттағы ғана емес, сондай-ақ микро деңгейде күнделікті пайдалануға бағдарланған жаңа тартылыс нүктелері пайда болады.