Алмалы ауданын көше жарығымен қамтамасыз ету жұмыстары жалғасып отыр. Бұл туралы қала әкімі Ерболат Досаев аудан тұрғындарымен кездесуде мәлімдеді, деп хабарлайды Аlmaty-akshamy.kz
Былтыр бұған дейін жарық тартылмаған ауданның 14 көшесіне сыртқы жарықтандыру желісін тарту жұмыстары аяқталды. 13,8 км 458 жаңа баған мен шам орнатылды. Мақатаев көшесінен Абай даңғылына дейінгі Байтұрсынов көшесіне көше жарығы жаңғыртылды. 4,2 км жерге 241 шам, 167 баған орнатылды. Райымбек даңғылынан Абай даңғылына дейінгі Розыбақиев көшесі бойындағы 3 км жерге 198 шам, 62 баған орнатылды. Биыл жобалау-сметалық құжаттама әзірлеу және жарықтандыру желісін салу үшін жарық тартылмаған 10 көшенің тізімі әзірленді.