Алғаш рет дауыс берушілерге естелік кәдесый мен сыйлық табысталып жатыр, деп хабарлайды aqshamnews.kz тілшісі.
Алматыда сайлау учаскелері ашылған сәттен бастап жастардың белсенділігі байқалады. Олардың көбі үшін бүгінгі дауыс беру – елдің қоғамдық-саяси өміріне қатысудағы алғашқы тәжірибе.
Алмалы ауданында сайлау учаскелеріне келушілер үшін фотоаймақ ұйымдастырылып, алғаш рет дауыс берушілерге естелік кәдесый мен сыйлық табысталып жатыр. Мұндай шара сайлауға алғаш рет келген жастар үшін дауыс беру күнін есте қаларлықтай өткізуге мүмкіндік береді.
№95 сайлау учаскесінде алғашқылардың бірі болып 18 жастағы Малика Жапарова дауыс берді. Ол бүгін өзінің алғашқы сайлау бюллетенін алды.
«Бұл мен үшін алғашқы тәжірибе. Енді дауыс бере алатыныма өте қуаныштымын. Менің ойымша, кәмелет жасына толған әрбір азамат сайлауға қатысуы керек», — деді жас сайлаушы.