Қала әкімі әлеуметтік көмек үшін әрбір тиынды жалпы қаладан жинайтынын айтты.
Алматы әкімі бүгін қала кәсіпкерлерімен кездесті. Оның барысында қала әкіміне сұрақтар мен өтініштер де түсті, деп хабарлайды Almaty-akshamy.kz.
«Базарлар өздерінің жанындағы автотұрақ мәселесі бойынша мемлекетке бірнеше рет жүгінген. Автотұрақ жұмысы қалай ұйымдастырылады? Жеке меншік иесі мен жалғыз оператордың айырмашылығы неде? Автотұрақ үшін салықтар мен басқа да аударымдарды төлеуде делдалдар болмауын сұраймыз. Сондай-ақ, автотұрақтарды базар жалға алушыларына беруді қарастырсаңыз», - деген өтініш түсті.
«Жақында «Алан Паркинг» ЖШС мен «Алматы Спецтехпаркинг Сервис» ЖШС активтерін коммуналдық меншікке қабылдауды аяқтадық. 100% коммуналдық кәсіпорын болады, бір оператордан түскен барлық кіріс жергілікті бюджетке түседі, делдал болмайды», - дейді Алматы қаласының әкімі Ерболат Досаев.
Мемлекеттік кірістер департаментінің мәліметінше, өткен жылы 56 базар қала бюджетіне 1,8 млрд теңге, биылғы 8 айда 2 млрд теңге төлеген. Қаладағы 56 базардың айналымы 2 жылдық қалалық бюджетке тең және шамамен 2 триллион теңгеге бағаланады.
«Сондықтан, маған автотұрақтар базарларға, әсіресе Солтүстік айналым орналасқан жерлерге жылжыту керек десе, мен мұнымен келіспеймін. Автотұрақтар коммуналдық меншікте қалады. Бүкіл әлемде әдеттегідей, автотұрақтар активі қала әкімшілігіне тиесілі болады.
Ақылы автотұрақтардан түскен табыс азаматтардың әлеуметтік қажеттіліктеріне жұмсалады. Жаңа құбырлар, инженерлік желілер, мектептер мен емханалар, мұның бәрі жергілікті бюджет есебінен салынады. Әлеуметтік қажеттіліктер үшін бүкіл қаладан әрбір тиынды жинаймын», - деді қала әкімі Ерболат Досаев.