Бұл сауалды Мәжіліс депутаты Дәулет Мұқаев Әділет министрі Ерлан Сәрсембаевқа қойды.
Сонымен бірге, ол бұған дейін әлеуметтік желілерден қазақ әуендерінің жоқ болып кетуіне не себеп болғанын да сұрады, деп хабарлайды aqshamnews.kz.
"Шынында біз ондай кепілдік бере алмаймыз. Бұл проблеманың түбінде жатқан келесі мәселе болып тұр. Фейсбук пен инстаграмнан музыканың жоғалуы ол ұжымдық құқықтары басқару ұйымымен Meta платформасының арасындағы шарттық қатынастардың тоқталуымен байланысты болған. Бұл музыканы заңды пайдалану үшін авторлардың немесе авторлық құқық иесінің рұқсаты қажет деп санаймыз. Сондықтан бұл мәселені шешуде шарттық қатынастар жағдайында ғана жүзеге асыру мүмкіндігі бар. Ал енді мемлекет жағынан біз ондай кепілдік бере алмаймыз", - деді Әділет министрі Е.Сәрсенбаев.