WhatsApp мессенджеріндегі тасқыннан зардап шеккен адам ретінде көмек сұрап жазылған әрбір үшінші хат - алаяқтардың әрекеті.
Солтүстік Қазақстан облысы полиция департаментінің мамандары осылай деп мәлімдеді. Себебі халық қарасы көп алты чаттан үш күнде 50 шақты фейк хабарлама анықталған, деп хабарлайды аlmaty-akshamy.kz.
Полиция қызметкерлері бұл хаттардың алаяқтардың қитұрқы әрекеті екенін анықтаған бойда авторлардың телефон нөмірін бұғаттап, хаттардың көзін жойған. Әлгі хаттардың әдетте мазмұны бір болады. Қаржылай көмек сұраған өтінішпен қоса, банк реквизиттері көрсетіледі. Сондықтан тәртіп сақшылары қырағылық танытып, күдік тудырған хаттарға мән бермеуді сұрайды.