«Әлеуметтік әмиян» жүйесі – әлеуметтік көмек алатын отбасылардың балаларына мектепте тегін ыстық тамақ беруді автоматтандыратын жаңа цифрлық шешім.
Бұл жүйе ата-аналардан қағаз құжат жинауды қажет етпейді, қажеттілік мемлекеттік деректер базасы арқылы автоматты түрде анықталады. Ата-ана келісім берген соң, eGov mobile қосымшасында цифрлық ваучер іске қосылады, деп хабарлайды aqshamnews.kz.
Оқушы мектеп асханасында QR-код, карта немесе Face ID арқылы тамақ алады, ал ата-ананың телефонына хабарлама келеді. Тағам сапасына баға беру және кері байланыс қарастырылған. Қазіргі таңда бұл жүйе Астана мен Қостанай облысындағы 20 мектепте пилоттық режимде жұмыс істеуде. Болашақта 1–4 сынып оқушыларына да енгізу жоспарлануда.
Күтілетін нәтижелер:
• Көмектің шынайы мұқтаждарға жетуі
• Қызмет көрсету барысының ашықтығы
• Ата-аналар үшін ыңғайлы бақылау
• Мектеп пен жеткізушілер жұмысының жеңілдеуі
• Әділ әрі нақты төлем жүйесі