Олар өздері пайдаланылмаған екпе дозасын дамушы елдерге жіберетіндерін мәлімдеді.
Әлемнің дамыған елдері СOVID-19 қарсы вакцинаның маңыздылығы туралы айтып отыр, деп хабарлайды Almaty-akahamy.kz COVID-19 таралуына жол бермеу жөніндегі ВАК-ға сілтеме жасап.
Әлемнің дамыған мемлекеттері бүкіл әлемде COVID-19 вирусына қарсы вакцинацияның маңыздылығы туралы айтып отыр. Италияда өткен G20 форумында екпеге қатысты қабылданған «Рим шарты» талқыланды. Бұл шартты мамандар мамыр айында өткен Денсаулық сақтау жөніндегі Ғаламдық саммит барысында қабылдаған болатын.
«Ең бай мемлекеттер СOVID-19-ға қарсы вакцинация науқан ауқымын кеңейту жауапкершілігін өз мойнына алу керек. Бұл біздің ортақ қаруымыз», - деді Италияның Денсаулық сақтау министрі Роберто Сперанза.
Ғаламдық саммитке министрлерден өзге осы саладағы үздік ұйымдардың өкілдері мен Дүниежүзілік денсаулық сақтау ұйымның мамандары қатысқан.
Германия билігі COVAX қайырымдылық бағдарламасы аясында дәрілік заттарға тең қол жетімділік бойынша барлық пайдаланылмаған AstraZeneca вакцинасының 3 млн дозасын дамушы елдерге жіберетіндерін мәлімдеді. Бірінші кезеңде 1,3 млн доза жөнелтіледі. Германия Министрлер кабинеті шілде айының басында AstraZeneca және Johnson & Johnson препараттарының кем дегенде 30 миллион дозасын үшінші елдерге жіберуді бұйырды. SARS-CoV-2 вирусы пандемия басталғаннан бері әлемнің 219 миллионнан астам тұрғынында барын анықталды, 4,5 миллионнан астам адам қайтыс болды. 84 миллион адам тұратын Германияда 3 984 353 COVID-19 фактісі анықталды.