Бұлардың қатарына Йемен, Судан, Оңтүстік Судан, Газа секторы және басқа да Африка елдері кіреді.
БҰҰ азық-түлік және ауыл шаруашылығы ұйымының директоры Олег Кобяков РИА Новостиге берген сұхбатында әлемнің 17 елінде азық-түлік мәселесі шиеленісуі мүмкін екенін айтты, деп хабарлайды Almaty-akshamy.kz
"Аштыққа ұшырағандар саны туралы құжат бар - бұл дүниежүзілік азық-түлік бағдарламасымен бірге шығарылған құжат, онда аштық дендеген елдер көрсетіледі.... Мұндай ақпарат таяу күнде ғана шықты және қазіргі тенденция сақталатын болса әлемнің тағы 17 елінде азық-түлікке қатысты ахуал нашарлауы мүмкін деп болжанып отыр", - деді Кобяков.
Ол ашаршылық дендеген дәстүрлі елдер қатарына Йемен, Судан, Оңтүстік Судан, Газа секторы және қарулы қақтығыстар, климаттың өзгеруінің жағымсыз әсерлері, табиғи апаттар болған басқа да бірқатар Африка елдері кіретінін айтты.
БҰҰ азық-түлік және ауылшаруашылығы ұйымы (Food and Agriculture Organization - ФАО) - бұл әртүрлі елдердің азық-түлік ресурстары мен ауыл шаруашылығын дамыту мәселелерімен айналысатын үкіметаралық халықаралық ұйым. Ұйым аштықпен күресуге бағытталған халықаралық қызметте жетекші рөл атқарады.