Соңғы дерек бойынша Америка құрама штаттары мен Қытай халық республикасы иеленген биткоин мөлшері алдыңғы қатарлы мемлекеттерге айналған.
Бұл жайында islam.kz порталы cryptonews.net ақпарат көзіне сілтеме жасай отырып мәлім етеді, деп хабарлайды aqshamnews.kz.
Аталған екі мемлекет те 190 000+ден аса биткоинге иелік етеді. Өзге мемлекеттерге келсек, Ресей Федерациясы өз қорын айыпталған тұлғалардың цифрлы активтерін тәркілеу есебінен толытырып отырады. Осыған байланысты бұл елде қанша виртуалды валютаның бары туралы нақты мәлімет жоқ.
Бүгінде биткоин капиталы шамамен 2 трлн долларды құрайды, бұл көрсеткіш 18 трлн долларға бағаланған алтын капиталының шамамен 11%-ына тең. Көптеген сарапшылар биткоинды келесі себептерге байланысты ақшаның озыық үлгісі ретінде санайды:
- Орталықсыз сипаты (яғни, кәдімгі ақша секілді мемлекет түріндегі бір орталықтан бақыланатын валюта емес) және ұсынысы шектеулі: биткоин де алтын секілді белгілі бір мөлшермен шектелген – бар-жоғы 21 млн тиын. Бұл шектеулі мқлшері оның құнсыздануынан, инфляциядан сақтайды;
- Бөлінуге келетіндігі: биткоинды ең кішкентай бөліктерге (8 ондық белгіге дейін) бөлуге болады, бұл артықшылығы шағын транзакцияларды жүргізуді жеңілдетеді;
- Тасымалдылығы: биткоинның сандық сипаты нақты кедергісіз бүкіл әлем бойынша айналуын ққамтамасыз етеді;
- Өзара ауыстыруға келетіндігі және жалған ақша секілді жасанды түрін жасаудың мүмкін еместігі: биткоин монетасы екіншісіне ұқсас, осыған орай криптографиялық әдістің арқасында жасандысын жасау мүмкін емес.
Осы артықшылықтарды ескере отырып, кейбір сарапшылар алтын қоры бар елдер биткоин бойынша өз қорын кемінде 11%-ға жеткізуге кеңес беріп отыр. Ол аз десеңіз, алдағы 5-10 жылда биткоиндерді капиталға айналдыру көрсеткіші алтынды капиталдандырудан асуы мүмкін. АҚШ-тың стратегиялық биткоин қоры құрылғаннан кейін G20-ның басқа елдері бұдан үлгі алып, өздерінің ұлттық қорына криптовалютаны да кіріктіруі ықтимал.
2025 жылдың қаңтар айының 25-і күнгі дерек бойынша биткоиннің бағасы 102 378 долларға жеткен. Салыстыру үшін алсақ, алтын бағасын көрсететін SPDR Gold Shares ETF (GLD) құны 255,65 долларды құраған.