22-23 қыркүйек күндері Нью-Йорктегі БҰҰ штаб-пәтерінде «Болашақ саммиті» өтті.
Бұл шара ұйым үшін келесі ұрпаққа арналған маңызды оқиға ретінде қарастырылады, деп хабарлайды aqshamnews.kz
Саммитте сөз сөйлеген спикерлердің бірі – Қазақстанның Сыртқы істер министрі Мұрат Нұртілеу болды. «Орда» БҰҰ мінберінен айтылған негізгі ойларды қысқаша ұсынады.
Ең алдымен, орта мемлекеттердің даусының маңыздылығы туралы сөз қозғалды. Жақында ғана Қазақстанды осы мемлекеттер қатарына қосқан болатын.
«Қазақстан Президенті Қасым-Жомарт Тоқаев айтқандай, орта мемлекеттер мен дамушы елдердің даусы БҰҰ Қауіпсіздік Кеңесінде күшейтілуі және анық естілуі керек. Геосаяси тұрақсыздық пен экономикалық белгісіздік кезеңінде әлемге дипломатия мен диалог қажет», - деді Нұртілеу.
Сыртқы істер министрі Қазақстан үшін өте өзекті мәселе — тұрмыстық зорлық-зомбылық тақырыбын да қозғады:
«Әділетті Қазақстанды құру — негізгі мақсатымыз, және біздің еліміз өлім жазасын алып тастады, азаптаулар мен тұрмыстық зорлық-зомбылыққа абсолютті төзімсіздік саясатын енгізді, сондай-ақ ұлттық алдын алу механизмін күшейтті».
Министр сонымен қатар климат мәселелерін де атап өтті. Атап айтқанда, Қазақстанның Орталық Азия мен Ауғанстан үшін БҰҰ тұрақты даму орталығын құру туралы ұсынысын еске салды. Бұдан бөлек, Нұртілеу Қазақстанның ядролық қарусыздану мәселесіндегі ұстанымын айтты:
«Мұрат Нұртілеу халықаралық қауымдастықты болашақта ядролық апаттың алдын алу үшін бірлесіп жұмыс істеуге шақырды»,-деп хабарлады СІМ сайты.
Қазақстан атынан министр «Болашақ саммитінің» үш негізгі құжатын — Болашақ Пакті, Жаңа Ғаламдық сандық келісім мен Болашақ ұрпақтарға арналған декларацияны қолдайтынын мәлімдеді.