Ғалымдар Ресейде коронавирустың жаңа түрін анықтады. Ол "омикрон" және "дельта" штамдарынан тұрады.
Американдық генетик ғалым атап өткендей, "орыс дельтакроны" деген ресми емес атауға ие болған жаңа штамның қауіптілігін анықтау керек. Маманның айтуынша, "дельтаның" толығымен дерлік жойылып кетуіне байланысты "омикрон" және "дельта" геномдарының фрагменттері бар гибридті вирустар сирек кездеседі. Дәл осындай ерекше вирустар Санкт-Петербургте геномдық деректердің соңғы жүктемелерінен табылған, деп хабарлайды Almaty-akshamy.kz COVID-19 таралуына жол бермеу жөніндегі ВАК-тың Telegram каналына сілтеме жасап.
Олардың алғашқысы шілде айының басында базаларда пайда болды және аздап сенімсіздікпен қарсы алынды. Бірақ шілде айының соңында Смородинцев атындағы Тұмау институтының зерттеушілері осындай геномдарды одан да көп тапты. Олар барлығын қайта тексеріп, сенімді қорытындыға келді: бұл қате емес, шынымен гибридті вирус.
Вирус Ресейде пайда болды деп болжанады, өйткені басқа елдерде ковидтің бұл нұсқасы әлі анықталған жоқ.
"Орыс дельтакроны" әлі толық зерттелген жоқ. Ғалымдар ол басқа штамдарды ығыстырып тастайды деп айта алмайды. Геномдарды неғұрлым белсенді зерттеу және әлемдік базаларға жүктеу арқылы ашық есептілік қажет.
Қытайда соңғы үш айдағы коронавирусты жұқтырудың рекордтық тәуліктік өсуі тіркелді, бұл ретте COVID-19 жағдайларының жартысы Хайнань аралына тиесілі.
Қазіргі уақытта Хайнань аралының барлығы дерлік оқшаулау режимінде. Жергілікті Санья курорттық қаласының тұрғындары азық-түлік жеткізу жүйесінің істен шығуына байланысты тамақтан қиындық көруде.
ҚХР-да жұқтырудың 1,9 мың жағдайы тіркелді, оның 1,2 мың жағдайы Хайнандағы Саньяда. Осылайша, мамыр айынан бастап алғаш рет Қытай қаласында немесе провинциясында тәуліктік сырқаттанушылық көрсеткіші 1 мыңнан асты.