Ашық НҚА порталында жарияланған Үкімет қаулысының жобасына сәйкес, 2023 жылы Қазақстанда 37 056 адамды әскерге шақыру жоспарланып отыр, деп хабарлайды Аlmaty-akshamy.kz.
Әскерге 18 жастан 27 жасқа дейінгі ер азаматтар шақырылады. 2022 жылы көктемгі науқанда 17 мыңға жуық азамат әскерге шақырылса, күзде олардың саны 18 мыңды құрады.
Еске салайық, таяуда генерал-майор, "ҚР Қарулы күштері ардагерлері" қоғамдық бірлестігі төрағасының орынбасары Марат Нағұманов әскери қызметке шақыру жасын 27-ден 30 жасқа дейін көтеруді ұсынған болатын.
"Қазір елімізде жастардың жасы 29-дан 35-ке дейін көтерілуде. Бұл – халықаралық үрдіс. Тиісінше, мерзімді әскери қызметке шақыру жасын 27-ден 30 жасқа дейін көтеру қажет", – деп түсіндірді бұл ойын генерал-майор.