Жазғы демалыста балалардың интернетте көп отыратынын пайдаланған алаяқтар ойындар, TikTok, мессенджерлер мен әлеуметтік желілер арқылы түрлі айлаға көшкен, – деп хабарлайды aqshamnews.kz тілшісі.
Олар:
жалған сыйлық пен ұтыс ұсынады;
досының немесе блогердің атынан жазады;
тегін ойын не бонус береміз деп зиянды қосымша жүктетеді;
жалған сайттарға кіргізіп, банк деректерін алуға тырысады.
Егер баланың телефонында ата-ананың банк қосымшасы болса, алаяқтардың ақшаға қол жеткізу қаупі арта түседі.
Мамандар балаларға құпиясөзді, SMS-кодты ешкімге айтпауын үйретуге, қосымшаларды тек ресми дүкеннен жүктеуге және күмәнді хабарлама келсе бірден ата-анасына айтуын ескертеді.
Балаларыңызға осыны бүгін-ақ түсіндіріп қойыңыз. Бір ғана қате бүкіл отбасының ақшасынан айырылуына себеп болуы мүмкін.