Бұл - қалаға берілген жаңа автобустың 20 пайызы.
Жаңа автобустардың арқасында 12 маршруттық желінің мәселесі шешілді, деп хабарлайды Almaty-akshamy.kz
«Біздің алдыңғы есептік кездесулерімізде сіздердің өтініштеріңіздің көп бөлігі автобус паркінің жоғары тозу деңгейі, маршруттық желілердің жетіспеуі және қозғалыс интервалдарының бұзылуы сияқты қоғамдық көлік жұмысының сапасына қатысты болды», - деді бүгін аудан тұрғындарымен кездескен қала басшысы.
Өткен жылдың көктемінде Алматы қаласының әкімдігі 450 жаңа автобус сатып алды, оның ішінде 92 (20%) автобус Алатау ауданына берілді. Жаңа автобустардың арқасында 12 маршруттық желінің мәселесі шешілді.
Осылайша, тұрғындардың өтініш-тілектері негізінде төрт жаңа маршрут ашылды, қозғалыс интервалын сақтап қалу үшін автобустар санын көбейтіп, 2 маршрут ұзартылды. Төрт маршрут желісіндегі 52 автобус жаңартылды. Осылайша, ауданның автобус паркі 100% жаңартылды. Екі маршруттың жүру интервалы қалпына келтірілді.
«2023 жылы біз ең көп сұранысқа ие үш маршруттағы (№69, №125 және №24) автобустарды жаңартуды жоспарлап отырмыз, сондай-ақ Қазақстан Республикасы Президентінің тапсырмасына сәйкес, қала маңы аймағының тұрғындарын қоғамдық көлікпен қамтамасыз ету үшін осы жылдың ІІІ тоқсанында Көліащы кентінен "Сәлем" базарына дейін №213 маршрутты іске қосу жоспарланған. Ол Алатау ауданының бір бөлігін қамтитын болады», - деді Ерболат Досаев.
Өткен жылдың басында аудан бойынша аялдама кешендеріне жалпы қажеттілік 90 бірлікті құрады. 2022 жылы 40 аялдама орнатылды. Қалған 50 аялдама 2023 жылы орнатылады. Осылайша, аудандағы аялдамалардың жетіспеу мәселесі 2023 жылдың соңына дейін толық шешіледі.