Олар «Сіз салық декларациясын уақытында тапсырмағансыз» деген сылтаумен сенімге кіріп, банк шоттарыңыз бұғатталуы мүмкін деп қорқытады. Кейін мәселені үш күн ішінде «шешу керек» деген желеумен қысым көрсетеді.
Олар азаматтардан «жеке басыңызды растау қажет» деп, SMS арқылы келген кодты айтуын сұрайды.
Кодты алған соң, қылмыскерлер жәбірленушінің банктік шоттарына қол жеткізіп, ақшаны заңсыз иемденеді.
Полицияның ескертуі:
- Мемлекеттік орган өкілдері мұндай мазмұндағы қоңырау шалмайды және ешқашан SMS-кодтар мен растау деректерін сұрамайды;
- Ешқашан бөгде адамдарға SMS-кодтарды, банк картасының нөмірі мен паролін, жеке деректеріңізді бермеңіз;
- Егер күдік тудыратын қоңырау алсаңыз, әңгімені дереу тоқтатып, «102» нөміріне хабарласыңыз.