Қытайдың Шэньян қаласында өтіп жатқан академиялық ескек есуден U19 бен U23 Азия чемпионатында Ұлттық құрама қоржынына күміс және қола медаль түсті.
23 жасқа дейінгі санаттағы 2000 метрге төрттікте ерлер командасы мәреге екінші жетті.
Күміс жүлде иеленген спортшылар тізімі: Дидар Сағымбаев, Тимур Фомичев, Владислав Галкин, Иван Чернухин. Дәл осы санатта (U23 2000 м) Қазақстан әйелдер құрамасы үздік үштікті түйіндеді.
Медаль алған отандастарымыз: Мелани Жакупова, Анжела Полянина, Валентина Волкодавова, Анастасия Кулинич.
Шэньян қаласындағы чемпионатта 19 елден келген 300-ден астам спортшы сынға түсіп жатыр. Жарыс бүгін аяқталады.