АЖК - Алматыда электр энергиясы үшін қарыздарды өндіріп алу шаралары күшейтілді.
«Алатау Жарық Компаниясы» АҚ Алматыда электр энергиясы үшін берешекті өндіріп алу бойынша жұмысты күшейтуде, деп хабарлайды aqshamnews.kz.
2025 жылғы 12 мамырдан бастап «АЖК» – «ЭнергоСбыт» АҚ филиалы мерзімі өткен төлемдері бар тұтынушыларға қатысты электрмен жабдықтауды шектеу шараларын кезең-кезеңімен енгізуді бастайды.
Іс-шаралар күн сайын сағат 7:00-ден 20:00-ге дейін өткізіледі және тек қарыздары бар мекенжайларға әсер етеді. Электрмен жабдықтау қарызды толық төлегенге дейін уақытша тоқтатылады. Борышкерлермен өзара іс-қимыл мүлік иелерінің бірлестіктері (МИБ) және тұрғын үй кооперативтері арқылы жүзеге асырылады, бұл адал тұтынушылар үшін қолайсыздықты барынша азайтуға мүмкіндік береді.
АЖК электр энергиясын беруді уақытша шектеу шарт талаптарын бұзатын тұтынушыларға қатысты ең тиімді шаралардың бірі болып табылатынын атап өтті. Уақтылы есептемеу дебиторлық берешектің өсуіне әкеледі.
Бүгінгі таңда Алматыда тұтынушылар арасындағы жиынтық берешек 1,2 миллиард теңгені құрайды.
Абоненттерге берешектің бар-жоғын алдын ала тексеріп, ақпаратты нақтылау үшін өз МИБ-теріне немесе 356-99-99 нөмірі бойынша Бірыңғай байланыс орталығына тікелей жүгіну ұсынылады.