Үйге кешегіден оралғаным осы. Подъезге кіреберістен «Құрметті көршілер! Бүгін шамамен сағат 9.20-да есік алдында 120 сомымды жоғалтып алдым. Тауып алсаңыздар, өтініш, әкеп берсеңіздер, 76-пәтер, Антонина Петровнаға. Зейнетақым 1640 сом» деген хабарландыруды көзім шалды.
Қалтамдағы бар ақшамды жинап, қолыма 120 сомды қыса ұстап, жоғарыға көтерілдім. 76-пәтерден алдына фартук байлаған әжей шықты. Мені және қолымдағы ақшаны көре салып, бас салып құшақтай алды. Көзінде қуаныштың жасы бар.
«Ұн алуға шыққан едім. Подъезге таяп, кілтімді алып жатқанда түсіріп алған болуым керек ақшамды», – деп салдырлап әңгімесін айтып жатыр.
Бірақ! Ақшамды алудан бас тартты. Себебі, мен осы жарты сағаттың ішінде әжейдің ақшасын «тауып» алған 6-шы адам екенмін.
Адамдар, мен сіздерді жақсы көрем!
аударған Нұржамал ӘЛІШ