Егер сізге қате айыппұл салынса (көлік ережесін бұзу, қоғамдық орындарда темекі шегу және т.б.), qamqor.gov.kz сайты арқылы өз бетіңізше шағымдана аласыз, деп хабарлайды аlmaty-akshamy.kz.
Ол үшін сайттың басты бетінде «Әкімшілік құқық бұзушылық туралы шағым» қызметін таңдап, ЭЦҚ арқылы авторизациядан өту керек. Ары қарай әкімшілік істі іздеу терезесі ашылады. Содан кейін іс нөмірін енгізіп, іздеу батырмасын басу керек. Егер нөмір дұрыс болмаса, қате туралы хабарлама шығады. Бәрі дұрыс енгізілсе, табылған іс пен «Шағымдану» батырмасы көрсетіледі. Экранда толтыру қажет сауалнама пайда болады: шағым мазмұны, кінәсіз екеніңіздің дәлелі және т.б. Содан кейін ЭЦҚ арқылы қол қойып, шағымыңызды жіберіңіз.
Жол қозғалысы ережесін бұзу хаттамасын қалай жүктеп алуға болады?
Сол сайтта «Айыппұлдар туралы білу» бөліміне өтіп → Жеке кабинетіңізге кіріп → ЭЦҚ арқылы кіріңіз → Айыппұлыңыз көрсетіледі → Экранның оң жақ бұрышындағы құжат белгішесін басыңыз → Протокол: көру және жүктеп алу.