Жыл сайын 1 желтоқсанда Дүниежүзілік ЖҚТБ -не қарсы күрес күні атап өтіледі, бұл АИТВ-инфекциясы барлығына әсер ететін жаһандық проблема болып қала беретінін еске салады.
АИТВ және ЖҚТБ туралы нені білу маңызды?
АИТВ (адамның иммун тапшылығы вирусы) – иммундық жүйеге әсер ететін вирус. Емдеу болмаса, ол ЖҚТБ -не — жүре пайда болған иммундық тапшылық синдромына әкелуі мүмкін. ЖҚТБ – бұл ауру емес, ағза инфекциялармен күресе алмайтын кезең.
Бірақ бүгінде АИТВ өлім үкімі емес. Антиретровирустық терапияны алатын адамдар ұзақ және толық өмір сүре алады, отбасын құрып, әлеуметтік белсенді бола алады.
АИТВ жұғу жолдары:
АИТВ қол алысу, сүйісу, ыдыстарды ортақ пайдалану немесе құшақтау арқылы берілмейді.
АИТВ қорғалмаған жыныстық қатынас арқылы беріледі; қан арқылы (ортақ инелер, стерильденбеген аспаптар); және анадан балаға жүктілік, босану және емізу кезінде.
Өзіңізді қалай қорғауға болады?
Жыныстық қатынастың барлық түрлерінде презервативтерді қолданыңыз.
Инелерді, маникюр құралдарын немесе ұстара пышақтарын ортақ пайдаланбаңыз.
Жылына кемінде бір рет АИТВ-ға тест тапсырып тексерілу.
Сіз тәуекел тобында болсаңыз , жедел түрде маманға хабарласыңыз.
Тестілеу – қауіпсіздікке жасалған қадам.
Стигманы бірге жоямыз
«Алматы қалалық салауатты өмір салтын қалыптастыру орталығы» ЖШС тапсырысы бойынша, 2025ж