Ораза айт биыл 30 наурызда басталады.
Қазақстан мұсылмандары діни басқармасы Ораза айт намазының кестесін жариялады, деп хабарлайды aqshamnews.kz
"Сағындырған Рамазан айының да аяқталуына аз қалды. 30 наурыз – Ораза айт мейрамы. Қазақстан мұсылмандары діни басқармасы осы күні оқылатын Ораза айт намазының еліміз бойынша әзірленген кестесін назарларыңызға ұсынады", - деп жазылған хабарламада.
Еске салайық, биыл Қасиетті Рамазан 1-29 наурыз аралығында болады. Қадір түні, кеше, яғни наурыздың 26-сынан 27-сіне қараған түнге дөп келді.
Сонымен қатар биыл Қазақстан мұсылмандары діни басқармасының төралқа мәжілісінде пітір садақа еліміз бойынша екі келі ұнның орташа бағасы негізінде 655 теңге болып бекітілді.
Ал үш күнге созылатын Құрбан айт 6-8 маусымға сәйкес келіп тұр. Еліміздегі Еңбек кодексіне сәйкес, мұсылман күнтізбесі бойынша аталатын Құрбан айттың бірінші күні демалыс күні болып бекітілген.
