Air Astana тобы 24 маусымда Ұлыбританияның Fairmont Windsor Park-інде өткен беделді World Airline Awards 2024 салтанатты рәсімінде жоғары марапаттарға ие болды, деп хабарлайды аlmaty-akshamy.kz.
Air Astana әуекомпаниясы он екінші рет Орталық Азия мен ТМД-ның үздік әуекомпаниясы деп танылып, сегізінші рет«Орталық Азия мен ТМД-да үздік борттық қызмет көрсету» марапатына ие болды. Бұдан басқа, Air Astana-ға тиесілі FlyArystan бюджеттік әуекомпаниясы екінші рет«Орталық Азия мен ТМД-дағы үздік бюджеттік тасымалдаушы» марапатына ие болды.
Air Astana Group бас атқарушы директоры Питер Фостер: "Өңірдегі үздік қызметіміз үшін тағы да жоғары баға алғанымыз үлкен мәртебе. Бұл марапаттар Air Astana мен FlyArystan-дағы бүкіл командамыздың жоғары стандарттарды ұстануда және әрбір рейсте біздің клиенттеріміздің қанағаттанушылығын қамтамасыз етудедеген адалдықты көрсетеді. Осы беделді наградаларды алу біздің қызмет көрсетудің барлық аспектілерінде кемелденуге мызғымас адалдығымызды көрсетеді».
Марапат туралы
1999 жылы құрылған World Airline Awards сыйлығы тәуелсіз және бейтарап болып табылады, клиенттердің қанағаттанушылығын жаһандық зерттеуді қамтамасыз етеді. «Авиация өнеркәсібінің Оскары» деп аталатын Skytrax әлем бойынша саяхатшылардың сапардан қанағаттанушылығын сауалнама арқылы аңықтайды. Skytrax сауалнама мен салтанатты рәсімнің барлық шығынын өтейді, әуекомпаниялар үшін тіркеу жарнасы мен логотип пен нәтижелерін пайдалану үшін әуекомпариялардан ақы алмайды.
2023/2024 онлайн-сауалнамасы 2023 жылғы қыркүйектен 2024 жылғы мамырға дейін алты тілде өткізілді және оған 100-ден астам ұлттан 21,42 миллионнан астам адам қатыстыжәне 350-ден артық әуекомпанияны қамтыды.