2025 жылдың 1-10 сәуір аралығында Алматыда ерлер мен әйелдер арасында шахматтан аймақтық Азия чемпионаты өтеді, деп хабарлайды aqshamnews.kz
Бұл — 3.4 аймағы. Чемпионатты Қазақстан шахмат федерациясы Азия шахмат федерациясы (АШФ) және Халықаралық шахмат федерациясы (FIDE) атынан ұйымдастырады.
Чемпионатқа 3.4 аймағының ұлттық федерацияларында тіркелген барлық спортшылар қатыса алады. Бұл шахматшыларға халықаралық аренада өз шеберліктерін көрсетуге үлкен мүмкіндік береді.
Жарысқа қатысушыларға 9 тур өткізу жоспарланған. Турнир швейцариялық жүйе бойынша өтеді. Уақытты басқару: алғашқы 40 жүріс үшін 90 минут, кейінгі ойын бөліміне 30 минут, әрбір жүріске 30 секунд қосылады.
Чемпионаттың жалпы жүлде қоры — 20 000 АҚШ доллары, бұл қатысушыларға жоғары нәтижелер үшін күресуге қосымша ынталандыру береді.