14 АЕК мөлшерінде шегерім қолданылады.
Енді табысы төмен қазақстандықтар жеке табыс салығынан босатылады, деп хабарлайды Almaty-akshamy.kz Экономика министрлігінің Telegram арнасына сілтеме жасап.
Дереккөзде қолданыстағы стандарттарға сәйкес, жалақы салығын есептеу кезінде 14 АЕК мөлшерінде шегерім қолданылады (2024 жылы 51 688 теңге) делінген. Бұл - ЖТС ұсталмайтын сома. Яғни салық жалақының 14 АЕК – зейнетақы жарналары, медициналық сақтандыру және т.б. шегерілгеннен кейін қалған бөлігінен алынады да, бұл сома 30 АЕК (110 760 теңге) дейін ұлғайтылады. Осылайша жалақының салық салынбайтын бөлігі ұлғаяды.
"Мұндай жағдайда жалақыдан 10 пайыз мөлшерде зейнетақы жарналары бойынша шегерiмдердiң болуын ескере отырып, 123 мың теңгеге дейiнгi жалақы кезiнде ЖТС төленбейдi әрі төмен жалақы төленетiн қызметкерлер үшiн жүктеме азайтылады", - делінген хабарламада.
Демек, кімнің айлығы аз болса, салық төлеуден босатылады деген сөз.