Бұл сайлау - тек ауылдың ғана әкімін сайлау емес. Қазақстан Орта Азия елдерінің ішінде тұңғыш рет әкімдерді халық сайлайтын дәрежеге жетіп отыр.
Бұл – революциялық маңызы бар қадам. Саяси мәдениетін ғана өзгертіп қоймайды, жалпы, қоғам мен биліктің арасын жақындатып, биліктің табиғатын, болмысын өзгертетін дүние деп айтар едім.
Бір ғана мысал, бір жарым жылдан кейін аудан әкімдерін сайлауға кірісеміз. Ал аудан әкімдігіне кандидаттар ауыл әкімдерінің арасынан шығады. Болашақта аудан әкімдерін сайлау облыс халқының арасында сенім мәселесін тудырады. Екіншіден, саяси партиялардың табиғатын өзгертеді.
Бүгінде партияларымыз үлкен қаладан аспайды, әрі кетсе, облыс орталығына ғана жеткен.
Сайлау жиі өтетін елге айналып келе жатырмыз. Әрбір саяси партия сайлауға белсенді қатысуға, үміткер ұсынуға дайын болу керек.