Ханчжоу қаласында өтіп жатқан ХІХ жазғы Азия ойындарында Ұлттық құрама қоржыны ушу спортының жүлдесімен толықты, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Ушудың саньда бағдарламасында Аян Тұрсын қола жүлдегер атанды. Ол 52 келіге дейінгі салмақтың жартылай финалында жарыс қожайыны Юэяо Лиге есе жіберді.
Қытайдың ұлттық спорты – ушудың саньда түрі Азия ойындарының бағдарламасында 1998 жылдан (ерлер) бар. Әйелдердің бәсекесі 2010 жылы қосылды. Әйелдер екі салмақ (52, 60), ерлер бес салмақта (56, 60, 65, 70, 75) жүлделерді сарапқа салады.