Ұлттық ядролық орталықтың бас директоры Эрлан Батырбеков атом электр станциясының Балқаш көліне кері әсері жоқ екенін мәлімдеді
ҚР Ұлттық ядролық орталығының бас директоры Эрлан Батырбеков Қазақстанда атом электр станциясы салынған жағдайда Балқаш көліне теріс әсер етпейтінін мәлімдеді.
Ол сондай-ақ атом электр станцияларының қауіпсіздігі мәселелерін қозғады. Оның айтуынша, 1950-1960 жылдары салынған алғашқы атом электр станцияларында қауіпсіздік жүйесі нашар болған.
"Бұл реакторлардың негізгі міндеті атом энергиясын электр энергиясына айналдырудың негізгі мүмкіндігін көрсету. Екінші буын станцияларының – 1970-1980 ж.ж. қауіпсіздік жүйесінің деңгейі төмен. Бірқатар апаттардан кейін ғалымдар атом электр станциясының қауіпсіздігін қамтамасыз етуге назар аударды. Осылайша үшінші буын реакторлары пайда болды, оларда өткен қателіктер ескеріліп отыр", — деп атап өтті Эрлан Батырбеков.
Төртінші буын реакторлары тұйық отын циклін шешіп, энергетикалық базаны кеңейтіп, мүлдем қауіпсіз болуы керек, деп қосты ол.