АЭС құрылысы жөніндегі Халық штабының мүшелері Сенат төрағасы Мәулен Әшімбаевтың басшылығымен Жетісу облысының еңбек ұжымдарымен кездесті, деп хабарлайды aqshamnews.kz
Сенат төрағасы Мәулен Әшімбаевтың айтуынша, климаттың өзгеруі жағдайында экологиялық зиянды азайтудың тиімді шешімдерін іздеудің қажеттілігі анық болып отыр, алайда бұл энергетикаға зиян келтірмей жүзеге асуы тиіс.
"Дәл осы атом электр станциялары көмірқышқыл газының шығарындыларын азайтудың және көмірге тәуелділікті төмендетудің ең перспективалы тәсілдерінің бірі болып табылады. Мәселен, көмір станцияларынан айырмашылығы, АЭС қоршаған ортаны түтінді газдармен, күлмен немесе мұнай өнімдері бар ағынды сулармен ластамайды", – деді Сенат спикері.