Александр Клепиков, Ядролық технологиялардың қауіпсіздігі ғылыми-техникалық орталығы директорының орынбасары, АЭС өндіретін электр энергиясы, әдетте, өзінің ерекшеліктеріне байланысты көбінесе өнеркәсіп саласында қолданылады деп есептейді.
– АЭС – бұл тәулік бойы, бірнеше ай бойы тұрақты деңгейде энергия өндіретін, базалық қуат көзі болып табылады. Ол орнатылған қуаттылықты пайдалану коэффициенті жоғары болуымен ерекшеленеді. Бұл оны үздіксіз энергия өндіруді қамтамасыз ете алмайтын, желдің күші, ауа райы және жыл мезгілдеріне тәуелді жаңартылатын энергия көздерінен тиімді етіп көрсетеді, – деп бөлісті сарапшы.
Клепиковтың пікірінше, қазіргі қауіпсіздік талаптары атом энергетикасының болашағына сеніммен қарауға мүмкіндік береді. Шын мәнінде, әлемдегі АЭС құрылысына қатысты жоспарлар мұны растайды.