«AMANAT» партиясының бастамасымен АЭС туралы Халықтық штаб құрылып, Әлихан Бөкейхан атындағы университетте атом электр стансасын салу мәселесіне қатысты талқылау өтті.
Жиынға ғалымдар, атом саласының мамандары және студенттер қатысып, АЭС салудағы технологияның қауіпсіздігі мен оның әлеуметтік-экономикалық аспектілері туралы сұрақтарға жауап алды. Халықтық штабтың мүшесі Алмас Айтмұқаш кездесулердің мақсаты – алдағы жалпыұлттық референдумға дайындық екенін атап өтті.
Штаб мүшелері республикалық референдумның маңыздылығы, АЭС құрылысы және атом энергетикасын дамыту перспективалары туралы ақпарат берді. Нұржан Әбдікәрімов АЭС салудың қоғамға пайдасын түсіндіріп, екі ықтимал аумақ – Абай облысындағы Курчатов және Алматы облысындағы Үлкен ауылын атап өтті.
АЭС салу бойынша қажетті құжаттарды рәсімдеу жұмыстары 5 жыл көлемінде жүргізілмек.