Қазақстанда атом электр станциясын (АЭС) салу қажет. Ядролық физика институтының базасында су-су зерттеу реакторы жұмыс істейді – бұл болашақта Қазақстанда салуды жоспарлап отырған атом электр станциясының прототипі іспеттес.
2012 жылдан 2016 жылға дейін біздің зерттеу реакторымыз төмен байытылған уранға ауысты. Яғни, біз атом электр станциясында атқарылуы тиіс жұмыстарды күнделікті, жыл сайын орындаймыз. 56 жыл бойы біздің реакторда ешқандай оқыс оқиға орын алған жоқ. Бұдан бөлек, атомдарды экономикадағы барлық салаларда, өнеркәсіптен бастап медицина, ауыл шаруашылығы, азық-түлік өнімдерін өңдеуге дейін игілікті мақсатта қолдануға болады.
Электр энергиясы үздіксіз жұмыс істеген кезде, оның өзіндік құны ең төмен болады. Қазіргі уақытта адамзат үшін бұл негізгі мәселелердің бірі. Сонымен қатар, атом электр станциясын салатын барлық компаниялар 60 жылдық кепілдік береді. Алайда тәжірибе көрсеткендей, АЭС кем дегенде 80 жыл жұмыс істей алады. Одан әрі бұл мерзімді 100 жылға дейін ұзартуға болады.