Satbayev University-дің жалпы физика кафедрасының меңгерушісі Айдос Лесбаев Қазақстанда атом электр станциясын салу қажеттігін қолдайды, деп хабарлайды aqshamnews.kz
– Әрине, мұндай шешімдер халықтың келісімінсіз қабылданбауы тиіс. Қазақстандықтарды референдумда өз пікірін білдіруге шақырамын. Менің пікірім: атом электр станциясы еліміздің энергетикалық тәуелсіздігін қамтамасыз етуге мүмкіндік береді. Уақыттың шынайылығы мен технологиялық дамудың қарқыны жаңа даму бағыттарын талап етеді. Қазіргі таңда электр қуатынсыз ештеңе жұмыс істемейді: интернеттен бастап елдегі ірі процестердің, соның ішінде әскери, тау-кен өнеркәсібі, медицина салаларын басқаруға дейін – бәрі электр энергиясына байланысты. Мен Қазақстанның энергетикалық тәуелсіздігіне атом электр станциясын салу арқылы қол жеткізуге болады деп есептеймін, – деп атап өтті Айдос Лесбаев.