ҚР Парламенті Сенатының депутаты Әли Бектаев Түркістан облысында болып, Бәйдібек ауданының ауыл шаруашылығы, білім, медицина салаларының қызметкерлерімен және кәсіпкерлерімен кездесті, деп хабарлайды aqshamnews.kz
Кездесу барысында аграрлық саланың қазіргі жағдайы, мамандар даярлау, медициналық қызметтердің сапасын арттыру, сондай-ақ атом энергетикасын дамыту жайы талқыланды.
Сенатор атом энергиясын электр қуатын өндірудің сенімді және үнемді көзі ретінде атап өтті. Оның ауыл шаруашылығы, суару жүйелері, жылыжай өндірісі секілді салаларда тиімді жұмыс істеуге ықпал ететінін және ауыл шаруашылығы өнімдерінің халыққа қолжетімді болуына әсер ететінін айтты.
«АЭС құрылысы булану газдарының шығарындысын азайтып, экожүйенің тұрақтылығын сақтауға мүмкіндік береді. Қазақстан уран өндіруде әлемдік көшбасшы болғандықтан, атом энергетикасын дамытуға зор мүмкіндігі бар. Бұл халық пен бизнес үшін экологиялық және экономикалық пайда әкеледі», – деп атап өтті Әли Бектаев.