Автомектеп – бұл бизнес емес, бұл жүргізушілерді толыққанды даярлау, дейді ішкі істер министрі Ержан Сәденов. Орталық коммуникациялар қызметінің подкастында елдің бас полицейі жол қауіпсіздігі жағдайына қатысты түсініктеме берді, деп хабарлайды aqshamnews.kz
Жол қауіпсіздігін сақтау үшін 25 мыңнан астам бейнебақылау камерасы орнатылған. Жалпы республика бойынша олардың саны 1,5 млн-нан асады.
«Олар көше, жол қауіпсіздігін бақылауға арналған. Енді оны одан әрі де ұлғайтатын боламыз. Цифрландыру жүргізіліп жатыр, ауылдарға да жетті. Сол себептен бұл жұмысты күшейтетін боламыз», – деді Ержан Сәденов.
Спикер автомектептерге жеке тоқталып, оның түлектері аз уақытта жол-көлік оқиғасына ұшыраса, ауыр дене жарқатын алса, ол үшін жауапкершілік қарастырылатынын атап өтті.
«Ол адам автомектеп ашамын, оқытамын дегенде өзінің жауапкешілігін түсінуі керек. Автомектептер – бұл жай ғана бизнес емес, жүргізушіні дайындайтын адам. Автокөлік – бұл аса қауіпті көлік құралы», – деп атап өтті Ержан Сәденов.
Толық шығарылымға сілтеме: https://youtu.be/LPjytyehuis