Америка ғалымдары Паркинсон ауруына меңзейтін адам дауысындағы үш өзгерісті атады
Паркинсон ауруының бастапқы кезеңін адам дауысындағы өзгерістерден байқауға болады, деп хабарлайды Almaty-akshamy.kz тілшісі РИА Новостиға сілтеме жасап.
Бұл туралы деректерді Паркинсон ауруы қауымдастығы келтірген.
Мамандардың айтуынша, осындай кеселі бар адамдардың дауыстары бәсеңдейді немесе бастапқыда дауыс қаттырақ шығып, кейін ақырындап қалады. Сонымен бірге, адамның сөзі бір сарынды (бірқалыпты) болуы мүмкін, себебі мұндай науқастар өзінің дауысының қаттылығы мен сезімдік деңгейін бақылауда ұстай алмайды. Сонымен бірге, осы аурудың енді басталып жатқанын білдіретін тағы бір өзгеріс - тұтығып сөйлеу.
Паркинсон ауруы-баяу дамитын созылмалы неврологиялық ауру. Бұл ми жасушаларының дофамин химиялық затын өндіруінің бұзылуынан туындайды, бұл адамның қозғалысына жауап беретін жасуша функциясының бұзылуына әкеледі.
Негізгі белгілері бұлшықет қаттылығы, гипокинезия, тремор және постуральды (постуральный неустойчивость) тұрақсыздық болып табылады.
Заманауи медицина әзірге бұл аурудың емін таппады, алайда емдеудің консервативті және жедел әдістері науқастардың өмір сапасын айтарлықтай жақсартуға және дерттің дамуын тежеуге мүмкіндік береді.
Бүкіл әлемде Паркинсон ауруына 10 миллионға жуық адам шалдыққан. Бұл ауруға шалдығу қаупі адам жасы ұлғайған сайын арта түседі, бірақ кей жағдайда 50 жасқа дейінгі адамдардың 4 %-ында осы ауру белгілері байқалады. Әйелдерге қарағанда ер адамдар Паркинсон ауруына 1,5 есе жиі ұшырайды.