Қазақстан Республикасының Президенті Қасым-Жомарт Тоқаев Қазақстан халқы Ассамблеясының ХХХІV сессиясында сөйлеген сөзінде ҚХА-ның қоғамдық бірлік, азаматтық жауапкершілік пен елдік сана қалыптастырудағы стратегиялық рөлін атап өтті. Бұл туралы Aqshamnews.kz сайты хабарлайды.
Мемлекет басшысы Ассамблеяның тек этносаралық қатынастармен ғана шектелмей, жаңа ұлт болмысын қалыптастыруға бағытталған тәрбиелік, ағартушылық жұмыстарға белсене араласып жатқанын ерекше атап өтті.
Президенттің айтуынша, бүгінде ҚХА ардагерлері мен белсенді мүшелері «Адал азамат» бірыңғай тәрбие бағдарламасын жүзеге асыруға күш салып жатыр. Бұл бастама қоғамдағы адалдық, жауапкершілік, патриотизм құндылықтарын дәріптеуді көздейді.
"Бүгін әріптесіміз Ахмед Мурадов және басқа да Ассамблея мүшелері ҚХА ардагерлерінің ‘Адал азамат’ бағдарламасына белсене қатысып жатқанын айтты. Мұндай жұмыстар ұлтымыздың жаңа болмысын қалыптастыруда Ассамблеяның әлеуетін кеңінен қолдануға мүмкіндік беретініне сенімдімін", – деді Президент.