22 қыркүйекте Алматы қаласы Бостандық ауданында орналасқан «Қазақ ғылыми-зерттеу институты қайта өңдеу және тамақ өнеркәсібі» мекемесінде «Ауыл» партиясының өңірлік филиалы «Адал азамат» идеологемасын түсіндіру және 2025 жылғы 8 қыркүйекте Мемлекет басшысы Қасым-Жомарт Тоқаев жариялаған Жолдауды талқылау тақырыбында кездесу өткізді.
Жиынға мекеме қызметкерлері, партия мүшелері және ғалымдар қатысты. Кездесу барысында институтта ұзақ жылдар еңбек етіп келе жатқан ғалым Чоманов Уришбай «Адал азамат» қалыптастырудың қоғам үшін маңызы жөнінде пікір білдірді.
Сонымен қатар, «Ауыл» партиясының Алматы қаласы филиалының төрағасы А. Қоңырбаев Президент Жолдауындағы Парламентаризмді дамыту және Жасанды интеллектті енгізу мәселелеріне тоқталып, түсініктеме жасады.
Өз кезегінде институт директорының орынбасары Умиралиева Лазат мекемеде Жасанды интеллектті пайдалану лабораториясы ашылатынын хабарлап, бұл бастама ғылым мен өндірісте жаңа мүмкіндіктерге жол ашатынын атап өтті.
Кездесу пікір алмасу алаңына айналып, қатысушылар ел дамуындағы адалдық пен әділдік құндылықтарын кеңінен насихаттау қажеттігін атап өтті.