«Бавария» клубы мен Англия құрамасының шабуылшысы Харри Кейн 2025/2026 жылғы маусым қорытындысы бойынша әлемнің үздік футболшысы атанып, «Алтын допты» жеңуі мүмкін, – деп хабарлайды aqshamnews.kz тілшісі.
Squawka платформасы әлем чемпионаты аяқталғаннан кейін букмекерлік кеңселердің коэффициенттері негізінде жүлдеге үміткерлер рейтингін жариялады. Рейтингке сәйкес, Харри Кейннің жеңіске жету ықтималдығы 40 пайызға бағаланған.
Испания құрамасының әлем чемпионатындағы жеңісінен кейін «Барселона» ойыншысы Ламин Ямальдың мүмкіндігі 33 пайызға дейін өсті. Ал Испания құрамасы мен «Манчестер Сити» клубының жартылай қорғаушысы Родри 22 пайыздық көрсеткішпен үшінші орынға көтерілді.
«Алтын допқа» үміткер бес футболшы:
Харри Кейн — «Бавария», Англия құрамасы — 40 пайыз;
Ламин Ямаль — «Барселона», Испания құрамасы — 33 пайыз;
Родри — «Манчестер Сити», Испания құрамасы — 22 пайыз;
Килиан Мбаппе — «Реал Мадрид», Франция құрамасы — 17 пайыз;
Лионель Месси — «Интер Майами», Аргентина құрамасы — 9 пайыз.
«Алтын доп» жүлдесі 1956 жылдан бері табысталып келеді. Алғашында France Football журналы бұл марапатты тек Еуропаның үздік футболшысына берген. 1995 жылдан бастап үміткерлер қатарына әлемнің барлық елінен ойыншылар енгізіле бастады.
2022 жылдан бері дауыс беруге ФИФА рейтингіндегі үздік 100 елдің өкілдері ғана қатысады. Қазақстан құрамасы рейтингте 111-орында тұрғандықтан, еліміздің өкілдері жеңімпазды анықтау рәсіміне қатыспайды.
Биыл «Алтын доптың» 70 жылдығына арналған марапаттау рәсімі 26 қазанда Лондонда өтеді.