Биыл 7 ақпанда Біріккен Араб Әмірліктерінің Абу-Даби қаласында шеберлер арасында су жағалауындағы күрестен өткен бүкіләлемдік ойындар өз мәресіне жетті. Дүниежүзінің әр елінен келген тәжірибелі балуандар қатысқан беделді додада Қазақстан намысын қорғаған Kete Pride клубының спортшылары жоғары нәтиже көрсетіп, ел қоржынына жүлде салды, - деп хабарлайды aqshamnews.kz тілшісі.
Бұл жарыста Зиналиев Әбу-Дастан финалға дейін сенімді күресіп, қарсыластарының бәрін айқын басымдықпен жеңді. Шешуші белдесуде ол өте тартысты кездесу өткізгенімен, қарсыласына жол беріп, күміс жүлдеге ие болды.
Ал Қанбаев Асхат қола медаль үшін шешуші сәтте басымдыққа ие болды.
Beach wrestling дегеніміз не?
Beach wrestling – Халықаралық күрес федерациясы (UWW) мойындаған спорт түрі, су жағалауындағы күрес. Бұл күрес құм төселген ашық алаңда, көбіне теңіз немесе өзен жағалауында өткізіледі. Ережелері классикалық күреске қарағанда қарапайым әрі қарқынды.
Негізгі ерекшеліктері:
- Белдесу уақыты әдетте 3 минут;
- Күрес тік тұрып өтеді, партер жоқ;
- Қарсыласты құлатпай-ақ, тепе-теңдігін жоғалтып, құмға тигізу арқылы ұпай алуға болады;
- Белдесу жылдам, динамикалы және жоғары физикалық дайындықты талап етеді.