«Хоргос» халықаралық шекаралық ынтымақтастық орталығында ҰҚК Шекара қызметінің Жетісу облысы бойынша департаменті ҰҚК және жергілікті полиция бөлімшелерімен бірлесіп, елден 991 дана киік мүйізін заңсыз шығару әрекетінің жолын кесті, деп хабарлайды aqshamnews.kz
Облыстық орман шаруашылығы және жануарлар дүниесі инспекциясының мәліметінше, заңсыз әрекет салдарынан мемлекетке келтірілген шығын 2 миллиард теңгеден асқан.
«991 киік мүйізін заңсыз тасымалдау әрекеті анықталды. Келтірілген шығын 2 миллиард теңгеден асады», – деп хабарлады ҰҚК. Іс материалдары тиісті шаралар қабылдау үшін полиция органдарына жіберілді.