Академик індеттен құтылудың жалғыз жолы вакцина салдыру екенін айтты.
26 тамыз күні танымал қазақстандық тұлға, медицина ғылымдарының докторы, профессор Төрегелді Шарманов COVID-19-ға қарсы екпе салдырды, деп хабарлайды Almaty-akshamy.kz.
Академик өзінің екпе салдырғаны туралы әлеуметтік желілерде көрсетті. Оның пікірінше, індеттен құтылудың жалғыз жолы вакцина салдыру болып табылады.
«Бүгін әлемді жайлаған бір инфекция бар. Өте қауіпті індет. Ол – коронавирус инфекциясы. Бұдан сақтанудың бір-ақ жолы бар, ол – бетперде тағу, вакцина салдыру. Мен 90-нан асып бара жатырмын. Вакцина салдырдым. Ешқандай қауіп жоқ, ұйқым жақсы. Қауіпті індеттен сақ болу үшін вакцина салдырыңыз. Вакцина салдыру арқылы адам өзін және жақындарының өмірін сақтайды», – деді Төрегелді Шарманов.
Сонымен қатар ғалым қазақстандықтарға вакцина туралы жалған жаңалықтарға сенбеу керектігін ескертті.
«Қазір «вакцина қауіпті» деген жалған ақпарат таратылып жатыр. Сенбеңіз, вакцина –бұл қорғанудың жалғыз жолы және жақын адамдарыңызбен бірге болудың жалғыз мүмкіндігі», - деді академик.