Бүгін таңертең Алмалы ауданында №65 қоғамдық автобус пен үш жеңіл автокөліктің қатысуымен жол-көлік оқиғасы болды, деп хабарлайды aqshamnews.kz
Болған оқиғаның егжей-тегжейін қалалық полиция департаментінің баспасөз қызметі айтып берді.
Тәртіп сақшыларының мәліметінше, автобус жүргізушісі Розыбакиев көшесімен солтүстік бағытта келе жатып, Құрманғазы көшесімен қиылыста Volkswagen көлігімен соқтығысқан.
"Шетелдік көлік қатты соққыдан қарсы жолаққа шығып, тағы екі көлікпен соқтығысқан", деп мәлімдеді Алматы ПД баспасөз қызметі.
Сондай-ақ, Volkswagen жүргізушісінің медициналық көмекке жүгінгені белгілі болды. Енді апаттың мән-жайын полиция қызметкерлері анықтайды.