"Қазгидромет" 6 қыркүйекке арналған ауа райы болжамын жариялайды, деп хабарлайды almaty-akshamy.kz
Атмосфералық фронтальды бөліктердің өтуіне байланысты Қазақстан Республикасының батыс, солтүстік-батыс аймақтарында найзағай жарқылдап, жаңбыр жауады.
Еліміздің қалған аумақтарына антициклон жотасының әсер етуіне байланысты жауын-шашынсыз ауа райы күтіледі. Республика бойынша жел күшейіп, оңтүстік-батыста шаңды дауыл, батыста бұршақ жауады.
Батыс Қазақстан облысының оңтүстік-батысында найзағай, бұршақ, күндіз найзағай кезінде желдің 15-20 м/с күшеюі күтіледі. Маңғыстау облысының солтүстік-батысында, солтүстік-шығысында найзағай ойнап, күндіз солтүстік-батысында желдің 15-20 м/с күшеюі, шаңды дауыл күтіледі.
Атырау облысының батысында, оңтүстік және орталығында найзағай, күндіз найзағай кезінде желдің 15-20 м/с күшеюі күтіледі. Күндіз Қостанай облысының солтүстік-батысында найзағай, желдің 15-20 м/с күшеюі күтіледі.
Күндіз Жамбыл, Солтүстік-Қазақстан облыстарының солтүстік-шығысында, Түркістан облысының солтүстігі және батысында, Қарағанды облысының орталығында желдің 15-20 м/с күшеюі күтіледі.
Күндіз Алматы облысында қатты ыстық күтіледі.
Алматы, Жамбыл, Түркістан, Қызылорда, Ақтөбе, Атырау облыстарының басым бөлігінде, Батыс Қазақстан облысының шығысында және оңтүстігінде, Қостанай, Қарағанды облыстарының батыс және оңтүстігінде, Ақмола облысының оңтүстік-батысында төтенше өрт қаупі сақталады.