Ғалымдар әлемде тұңғыш рет алмаз батареяны таныстырды.
Батарея ядролық қалдықтар негізінде 5700 жыл жұмыс істей алады, деп хабарлайды aqshamnews.kz
Қуат көзі қауіпсіз, тұрақты және әмбебап. Оны ғарыш саласынан бастап медицинада қолдануға болады.
Бристоль университетінің ғалымдары алғаш рет көміртегі-14 радиоактивті изотопы негізінде алмаз батареясын ойлап тапты.
Батарея өндірісінде плазманың көмегімен алмаздың құрылымы пайда болады. Радиоактивті сәулені алмаз қабығы жұтып қояды, сондықтан да ол қауіпсіз.
Батареяның жұмыс қағидасы күн панельдеріне ұқсайды. Көміртегі-14 изотопының жартылай ыдырауы өте ұзақ болғандықтан, қуаты мыңдаған жылға жетеді. Орташа алғанда 5700 жыл қызмет етеді.
Зерттеушілер тобы бұны төңкеріске тең энергия көзі деп мәлімдеді.
Ядролық қалдықтар өте көп, сондықтан батарея жасауға қажетті ресурсқа тапшылық болмайды.