Оған атом саласының сарапшылары қатысады.
Қазақстанда АЭС салу бойынша жария талқы қай қалада өтетіні белгілі болды, деп хабарлайды Almaty-akshamy.kz
Қазақстанда АЭС салу мәселесін талқылау мақсатында референдум өткізілгенге дейін Қарағанды облысында жария талқылаулар өткізу жоспарланып отыр. Бұл туралы облыс әкімдігі 2024 жылғы 29 маусымда ақпарат таратты.
"Қазақстанда АЭС салу мәселесін талқылау мақсатында референдум өткізілгенге дейін Қарағанды обласында жария талқылаулар өткізу жоспарланып отыр. Жария талқылау өткізілетін орын: Қарағанды қаласы, "Қоғамдық келісім" КММ, Кеншілер даңғылы, 64. Жария талқылауды өткізу күні мен уақыты: 2024 жылғы 5 шілде сағат 15.00-де", делінген облыстық әкімдіктің хабарламасында.
Жария талқылауға атом саласының салалық сарапшылары қатысады. Жария талқылауларды өткізу барысында азаматтар өздерін қызықтыратын технологиялардың қауіпсіздігі бойынша да, АЭС құрылысының әлеуметтік-экономикалық аспектілері бойынша да кез келген сұрақтарын қоя алатыны да нақтыланады.