Қазақстандық актриса әрі продюсер Дариға Бадықованың фильмдері отандық прокатта жаңа рекорд орнатты. Кейінгі үш жылда жарық көрген туындыларының жалпы табысы 4,7 млрд теңгеден асып, қазақ киноиндустриясы тарихында бұрын-соңды болмаған көрсеткішке жетті, деп хабарлайды Аqshamnews.kz тілшісі.
Rentrak жүйесінің ресми мәліметтері бойынша, 2023–2025 жылдары прокатқа шыққан Бадықованың фильмдері мынадай табыс әкелген:
-
«Таптым-ау сені» (2023) – 1 834 702 810 теңге
-
«Ыстық ұя» (2025) – 1 754 600 300 теңге
-
«Таптым-ау сені 2» (2024) – 1 198 850 506 теңге
Үш фильмнің жиынтық табысы — 4 млрд 788 млн теңгеден жоғары.
Продюсердің соңғы жобасы драмалық «Ыстық ұя» фильмі прокатқа шыққаннан кейін аз уақыт ішінде-ақ 1,7 млрд теңгеден аса қаржы жинап, 2025 жылдың ең кассалы қазақстандық фильмі атанды. Түскен табыс көлемі бойынша ол Қазақстан тарихындағы барлық фильмдер ішінде екінші орынға шықты.
Ал рейтингтің бірінші сатысында әлі күнге дейін Бадықованың өз туындысы – «Таптым-ау сені» фильмі тұр.