БЖЗҚ тұрғын үй жағдайын жақсарту және емделу мақсатында берілген 1,7 миллионнан астам өтінішті орындады.
БЖЗҚ баспасөз қызметінің салымшылардың жеке зейнетақы шоттарына 446,4 миллиард теңгеден аса қаражат қайтарылды, себебі қазақстандықтар біржолғы зейнетақы төлемін белгіленген мерзімде пайдаланбаған, деп хабарлайды Almaty-akshamy.kz.
«Уәкілетті операторлардан салымшылардың (алушылардың) жеке зейнетақы шоттарына (ЖЗШ) өтініш берушінің өтініші және өзге де себептер бойынша 446,4 миллиард теңгеден аса қаражат қайтарылды, себебі қазақстандықтар біржолғы зейнетақы төлемдерін белгіленген мерзімде пайдаланбаған», - деп түсіндірді БЖЗҚ.
2022 жылдың 1 маусымындағы жағдай бойынша, бірыңғай жинақтаушы зейнетақы қоры салымшылардың тұрғын үй жағдайын жақсарту үшін зейнетақы қаражатын пайдалану туралы 1 323 432 өтінішін орындады.
Сонымен қатар емделуге берілген 298,0 миллиард теңгенің 384 969 өтініші орындалды.