Бұл - велотректен Азия чемпионатында Қазақстан ерлер құрамасының көрсеткіші.
Малайзияда велотректен ерлер мен әйелдер арасында Азия чемпионаты басталды. Бəсекенің алғашқы күні-ақ Қазақстан ерлер құрамасы командалық жарыста қола жүлдеге қол жеткізді, деп хабарлайды Almaty-akshamy.kz.
Жарыста ел намысын Əлішер Жұмахан, Артём Захаров, Дмитрий Носков пен Рамис Дінмұхамедов қорғады. Олар 4 шақырымды 4 минут 4 секундта жүріп өтті.
Тас жолдағы велоспорттан Таиландта өткен Азия чемпионатында Қазақстанның ерлер құрамасы Париж Олимпиадасының лицензиясын жеңіп алды. Жерлестеріміз бір аптаға созылған құрлықтық біріншілікте 15 жүлдеге ие болған еді.